Nos personalia non concoquimus. Nostri consocii (Google, Affilinet) suas vias sequuntur: Google, ut intentionaliter te proprium compellet, modo ac ratione conquirit, quae sint tibi cordi. Uterque consocius crustulis memorialibus utitur. Concedis, si legere pergis.
 
 
 

top

lat. - dtsch. | I | II | III | IV | V | VI | VII | VIII | IX | X | XI | XII | XIII | XIV | XV
lateinisch: | I | II | III | IV | V | VI | VII | VIII | IX | X | XI | XII | XIII | XIX | XV
deutsch: | I | II | III | IV | V | VI | VII | VIII | IX | X | XI | XII | XIII | XIV | XV
Kompos.: | I | II | III | IV | V | VI | VII | VIII | IX | X | XI | XII | XIII | XIV | XV

Ovid Metamorphosen
Gegliederte Inhaltsangabe

Liber II

G.E.Gierig, Lipsiae (sumptu E.B. Schwickerti) MDCCCXXI ex G.Canteri novis lectionibus
Qui (Epaphus) cum aliquando Phaethonti Apollinem, ut falsum patrem obiecisset, ille currus solaris imperium ad diem unum a patre, in pignus verae stirpis, petiit. Quo impetrato, terra ab eo tota accenditur, et inter cetera nigrescunt Aethiopes. Phaethontem deinde fulmine percussum dum lugent sorores et una cognatus Cygnus, illae in arbores, hic in cygnum mutatur. Hinc Iupiter, lustrato, ut eum pristino vigori restitueret, terrarum orbe, in Callistonem incidit, eamque, sumptae Dianae forma, stupravit. Ob id irata Iuno Callistonem in ursam convertit, quam postea Arcas filius transfixurus erat, nisi utrumque Iupiter inter sidera retulisset. Qua de re cum apud Oceanum conquesta esset Iuno, in caelum relata est humeris pavonum, qui nuper variati fuerant, sicut et corvus nuper ex albo niger erat redditus, cum cornicis monitis, quae illi tum suam in cornicem, tum Nyctimenes in noctuam mutationem explicarat, non obtemperasset, verum Coronidis adulterium ad Apollinem detulisset. Eius deinde filio Aesculapio, e Coronide exsecto et in Chironis antrum delato, Ocyrrhoe, Chironis filia fatidica, dum futura praedicit, in equam vertitur. Tum Chiron pater Apollinis auxilium frustra invocavit, quod ille iam in Elide pastor factus aliud ageret, neglectis etiam bubus. Id quod Mercurio furandi eas occasionem dedit, qui deinde Battum ob furtum proditum in indicem lapidem mutavit. Inde avolans Hersen, Cecropis filiam spectat, eaque potitur. Cui dum invidet Aglauros soror, Invidiae veneno infecta in saxum obrigescit. Postea Iupiter, cum Mercurium in caelum reversum boves Agenoris ad litus avertere iussisset, sumpta tauri specie, Europam per mare in Cretam transvexit.

A. Zingerle, Leipzig 1884

Ille Solem ipsum adiit atque id divinae originis pignus petiit, ut currus solaris regimen in unum diem sibi permitteretur. Quo impetrato terra ab eo tota incenditur, quo incendio Aethiopes nigri, Libya arida facta aliaeque transformationes ortae sunt. Phaethontem autem Iuppiter fulmine percussit; quem cum Heliades sorores et Cycnus cognatus lugerent, illae in arbores, Cycnus in cycnum avem mutatur. Hinc luppiter lustrato caelo et terra, ne quid ab incendio illo labaret, Callistonis amore exarsit eique vim attulit. Ob id irata Iuno Callistonem in ursam convertit, quam postea Arcas, filius ex illis amplexibus ortus, sagitta transfixurus a love cohibitus est, qui et filium et matrem inter sidera rettulit. Qua re irata Iuno eum Oceanum adiisset et ab eo impetrasset, ne nova illa sidera umquam mari tinguerentur, relata est in caelum trahentibus currum pavonibus, quorum caudae Argo occiso stellis tamquam oculis ornatae erant, sicut corvus quoque nuper ex albo niger factus erat, cum cornicis monitis, quae illi et suam in cornicem et Nyctimenes in noctuam transformationem narraverat, non obtemperasset, sed Coronidis adulterium Apollini. qui illam amabat, rettulisset. E Coronide autem ortus erat Aesculapius, cui in Chironis antrum delato Ocyroe, Chironis filia fatidica, dum futura praedicit, in equam convertitur. Chiron, pater eius, auxilium Apollinis, dei vaticinii, frustra implorat, quia ille tum in Elide aberat et ibi pastoris forma indutus armenta pascebat, bubus tamen illo tempore propter novum quendam amorem neglectis. Quod Mercurio eas furandi opportunitatem dedit, qui deinde Battum ob furtum proditum in lapidem mutavit. Inde avolans Mercurius Herses, Cecropis Atheniensis filiae, amore capitur, cui dum invidet Aglaurus soror, Invidiae veneno infecta, in saxum vertitur. Inde in Olympum reversum luppiter boves Agenoris, regis Phoeniciae, ad litus abigere iussit; tum ipse tauri speciem sumpsit et Europam, Agenoris filiam, per mare in Cretam abduxit.


1,750-2,366 Phaethon
1-18 Regia Solis
19-30 Interna regiae facies
31-52 Primus patris et filii congressus
53-102 Dissuasoria egregia. Argumenta dissuadendi sumpta sunt
54-62 ab imbecillitate petentis.
63-75 a difficultatibus viae
76-83 ab insidiis in via
84-87 a ferocia equorum
Quibus, ut in peroratione, monita, preces, nova promissa addita.
126-149 Praecepta, quibus praemonetur filius
325-366 Ultimus actus, qui metamorphosin continet, propter quam omnis de Phaethonte fabula narrata.
367-400 Cygnus, rex Liguriae, dum deflet Phaethontem, sanguine materno sibi iunctum, mutatur in avem sui nominis.
401-530 Iupiter vi comprimit Callisto, Lycaonis filiam, quam propterea Diana e choro suo decedere iubet, Iuno autem in ursam mutat. In eam cum Arcas, ipsius et Iovis filius, incidisset, sagitta eam transfigere parat; sed Iupiter ambos repente abreptos in caelo collocat, sideraque vicina facit.
531-632 Corvus candidus in nigrum. Coronidem, Phlegyae, bellatoris maximi, filiam amabat Apollo. Sed cum illa etiam Ischyn quendam admisisset, Apollo Coronidem interfecit, Asclepiumque ex utero exsectum educavit, corvum autem, qui ingratum eius adulterii nuntium ipsi attulerat, ex albo in nigrum commutavit.
633-675 Ocyrrhoe, Chironis filia, non contenta chirurgicam artem a patre didicisse, futurorum etiam scientiam a Diis impetraverat. Sed cum aliquando, invitis Diis, et patri et Aesculapio infanti fata instantia caneret, repente conversa est in equam.
676-707 Mercurius Apollinis boves cum abigeret, Battum, senem pastorem, quem obvium habebat, rogabat, furtum ne indicaret: quod ille, mercede accepta, promisit quidem, sed mox Mercurio, sub aliena forma eius tentandi causa redeunti, locum ostendit, quo boves pascerentur: quam ob perfidiam in saxum mutatus est.
708-832 Mercurius amat Hersen, Cecropis filiam, rogatque eius sororem Aglauron, ut suam sibi in eius amore conciliando operam addicat. Illa vero pro ministerio magnam sibi expetit auri vim. Minerva igitur et memor nuperae perfidiae (vs. 555 sqq.) et offensa avaritia virginis, Invidiam adit, eamque rogat, ut veneno suo Aglauron inficiat; quo facto illa lenta tabe conficitur, et cum invidia sororis tacta Mercurium excludere vellet, in lapidem ab eo mutatur.
833-875 Agenor, rex Phoenices, filiam habuit Europam, quam amavit Iupiter. Is igitur in taurum versus, virginem raptam dorso transtulit per mare mediterraneum in insulam Cretam, ubi ex ea suscepit Minoem et Sarpedonem et Rhadamanthum.
Sententiae excerptae:
Lat. zu "Ov.met.2,"
Literatur:
zu "Ov.met.2,"
Site-Suche:
Benutzerdefinierte Suche
bottom© 2000 - 2024 - /Lat/ovmet_komp/ov_met02.php - Letzte Aktualisierung: 26.12.2020 - 16:20