Zusätzliche Übungstexte / Klassenarbeiten 
zum griechischen Lehrbuch Hellas

I. Daidalos bei Kokalos

1. Δαίδαλος σὺν Ἰκάρῳ τῷ υἱῷ ἐκ τῆς Κρήτης φεύγειν ἐβουλεύσατο. Ἀλλ’ ὅτι Ἴκαρος  τοῖς τοῦ Δαιδάλου λόγοις οὐχ ὑπήκουσεν, ὁ ἥλιος τὰ τοῦ παιδίου πτερὰ κατέλυσεν. Ἴκαρος δ’ εἰς τὸν πόντον ἐνέπεσε καὶ τὸν βίον ἐπαύσατο.
2. Δαίδαλος οὖν, ἐπεὶ ἐδάκρυσε τὸ τέκνον καὶ τάφον αὐτῷ παρεσκευάσατο, οὐκ εἰς τὰς Ἀθήνας ἔσπευσεν, ἀλλ’ εἰς τὴν Σικελίαν. Ἐκεῖ Κώκαλος τύραννος ἦν, καὶ Δαίδαλος ἱκέτευσεν αὐτόν.
3. Μίνως δὲ τιμωρίας ἕνεκα Δαίδαλον κατὰ πολλοὺς τόπους ἐθήρευσε καὶ δὴ καὶ μεγάλῳ στόλῳ εἰς τὴν Σικελίαν ἐστρατεύσατο.
4. Ἀλλ’ οὐκέτι πολὺν χρόνον τοῦ βίου ἀπέλαυσεν. Κώκαλος γὰρ φόνον αὐτῷ ἐπεβούλευσεν, καὶ αἱ τοῦ Κωκάλου κόραι ἐφόνευσαν αὐτόν, ὅτε (= als) ἐν τῷ οἴκῳ ἐλούσατο.

ἐνέπεσε – 3. Sgl. Aor. v. ἐμ-πίπτω | ὁ τάφος – Grab | ἡ Σικελία – Sizilien | ἧν - er war | καὶ δὴ καὶ - und so denn auch | λούομαι - ein Bad nehmen

II. Iphigenie bei den Taurern

1. Ὁ μὲν Ἀγαμέμνων τὴν Ἰφιγένειαν οὐκ ἐφόνευσεν, ἀλλ’ Ἄρτεμις τὴν κόρην διὰ τοῦ οὐρανοῦ εἰς  τὴν τῶν Ταύρων χώραν ἥρπασεν.
2. Ὁ δ’ ἐκεῖ τύραννος ἐκέλευσεν αὐτὴν ἱέρειαν τῆς θεᾶς εἶναι καὶ τοῖς ξένοις θάνατον παρασκευάζειν.
3. Ἰφιγένεια οὖν ἐν τῷ τῆς θεᾶς ἱερῷ τὴν  θεὰν ἐθεράπευσεν, καὶ τοὺς ξένους ἔθυσεν.
4. Ἀλλὰ μετὰ πολὺν χρόνον καὶ Ὀρέστης, ὁ Ἰφιγενείας ἀδελφός, ἐπεὶ τιμωρίας ἕνεκα τὴν μητέρα ἐφόνευσεν καὶ τὴν τοῦ Αἰγίσθου ἀρχὴν ἔλυσεν, ξένος εἰς τοῦτον τὸν τόπον ἥκει. 
5. Ἰφιγένεια δὲ τὸν ἀδελφὸν ἀναγιγνώσκει· διὸ οὐ θύει αὐτόν, ἀλλὰ μετ’ ὀλίγον σὺν αὐτῷ αὖθις εἰς τὴν ἐλευθερίαν φεύγει.