| Nos personalia non concoquimus. Nostri consocii (Google, Affilinet) suas vias sequuntur: Google, ut intentionaliter te proprium compellet, modo ac ratione conquirit, quae sint tibi cordi. Uterque consocius crustulis memorialibus utitur. Concedis, si legere pergis. |
| (69,1) δύο ἐχθροὶ ἐν μιᾷ νηὶ ἔπλεον.
βουλόμενοι δὲ πολὺ ἀλλήλων διεζεῦχθαι, ὥρμησαν ὁ μὲν ἐπὶ τὴν
πρώραν, ὁ δὲ ἐπὶ τὴν πρύμναν καὶ ἐνταῦθα ἔμενον. χειμῶνος
δὲ σφοδροῦ καταλαβόντος καὶ τῆς νηὸς περιτρεπομένης ὁ ἐν τῇ
πρύμνῃ ἐπυνθάνετο παρὰ τοῦ κυβερνήτου, περὶ ποῖον μέρος καταδύεσθαι
τὸ σκάφος πρῶτον κινδυνεύει. τοῦ δὲ εἰπόντος· "κατὰ τὴν
πρώραν", ἔφη· "ἀλλ' ἔμοιγε οὐκέτι λυπηρὸς ὁ θάνατός
ἐστι, εἴγε ὁρᾶν μέλλω τὸν ἐχθρόν μου προαποπνιγόμενον." οὕτως ἔνιοι τῶν ἀνθρώπων διὰ τὴν πρὸς τοὺς πέλας δυσμένειαν αἱροῦνται καὶ αὐτοί τι δεινὸν πάσχειν ὑπὲρ τοῦ κἀκείνους ὁρᾶν δυστυχοῦντας. |
Zwei Feinde fuhren auf einem Schiff.
Weil sie weit voneinander getrennt sein wollten, gingen sie
der eine auf den Bug, der andere aufs Heck und blieben dort.
Als aber ein heftiger Sturm losbrach und das Schiff kenterte,
fragte der auf dem Heck den Steuermann, mit welchem Teil das
Schiff wahrscheinlich zuerst sinke. Als der "mit dem
Bug" antwortete, sagte er: "Nein, dann ist mir der
Tod nicht schlimm, wenn ich meinen Feind vor mir ertrinken
sehe." So nehmen es einige Menschen aus Feindseligkeit auf ihre Mitmenschen in Kauf, dafür, dass sie jene im Unglück sehen, auch selbst etwas Schlimmes zu erleiden. |
(69,2) δύο τινὲς πρὸς ἀλλήλους ἔχθραν ἔχοντες ἐν μιᾷ νηὶ ἔπλεον. καὶ δὴ μὴ βουλόμενος ὁ εἷς τῷ ἑτέρῳ πλησιάσαι ὥρμησεν ὁ μὲν εἷς ἐπὶ τὴν πρύμνην, ὁ δὲ ἕτερος ἐπὶ τὴν πρώραν. χειμῶνος δὲ σφοδροῦ γενομένου καὶ τῆς νηὸς καταποντίζεσθαι ἤδη μελλούσης ὁ ἐν τῇ πρύμνῃ καθήμενος ἐπυνθάνετο τοῦ κυβερνήτου λέγων· "ὦ οὗτος, ποῖον μέρος μέλλει πρότερον καταποντίζεσθαι τοῦ σκάφους;" τοῦ δὲ εἰπόντος, "ἡ πρώρα", ἔφη· "ἀλλ' ἔμοιγε οὐκέτι λυπηρὸς ὁ θάνατος ἔσται, εἴγε ὁρᾶν μέλλω προθανατούμενόν μοι τὸν ἐχθρόν." ὁ μῦθος δηλοῖ, ὅτι πολλοὶ τῶν ἀνθρώπων διὰ τὴν πρὸς τοὺς ἐχθροὺς μῆνιν αἱροῦνται τὸ πρῶτον ἰδεῖν αὐτοὺς ἐπὶ συμφορᾷ διὰ τὴν δυσμένειαν, ἔπειτα καὶ αὐτοὶ μετὰ ταῦτα, ἐάν τι δεινὸν πάσχωσιν, ὑπομένουσιν.
(69,3) δύο τινὲς ἀλλήλοις ἐχθραίνοντες ἐπὶ τῆς αὐτῆς νεὼς ἔπλεον, ὧν ἅτερος μὲν ἐπὶ τῆς πρύμνης, ἅτερος δὲ ἐπὶ τῆς πρώρας ἐκάθητο. χειμῶνος δὲ ἐπιγενομένου καὶ τῆς νεὼς μελλούσης ἤδη καταποντίζεσθαι ὁ ἐπὶ τῆς πρύμνης τὸν κυβερνήτην ἤρετο, πότερον τῶν μερῶν τοῦ πλοίου πρότερον μέλλει καταβαπτίζεσθαι. τοῦ δὲ τὴν πρώραν εἰπόντος "ἀλλ' ἔμοιγε οὐκ ἔστι λυπηρός", εἶπεν, "ὁ θάνατος, εἴγε ὁρᾶν μέλλω πρὸ ἐμοῦ τὸν ἐχθρὸν ἀποθνῄσκοντα." ὁ μῦθος δηλοῖ, ὅτι πολλοὶ τῶν ἀνθρώπων οὐδὲν τῆς ἑαυτῶν βλάβης φροντίζουσιν, εἰ τοὺς ἐχθροὺς μόνον ἴδοιεν πρὸ αὐτῶν κακουμένους.
ἐχθραίνω τινί - bin mit jdm. verfeindet | διαζεύγνυμι – spanne auseinander, trenne | ἡ πρώρα – Schiffsvorderteil, Bug | ἡ πρύμνα – Schiffshinterteil, Heck | καταλαμβάνει – es ereignet sich, tritt ein (καταλαμβάνω – fasse, nehme fest) | ἡ ναῦς περιτρέπεται – das Schiff kentert | καταποντίζω – versenke im Meer | καταβαπτίζω – tauche unter, ersäufe | τὸ σκάφος – Schiff, Kahn (Gießkanne, Ohrmuschel) | προαποπνίγω – ersticke zuvor (tr.) | πέλας – nahe; ὁ πέλας – Nachbar, Mitmensch
Sententiae excerptae:
Site-Suche:
Benutzerdefinierte Suche
|
- /Grie/aisop/aisop144.php - Letzte Aktualisierung: 14.04.2021 - 14:48