Fährmann, hol über!

Elisabeth et Sarah non ficta sed facta narrant:

Mense Octobri anno post Christum natum MDCCCXIII nox quaedam tenebris ita obducta erat, ut manus vix ante oculos tuos videres. Horologio cathedrali mediam noctem nuntiante portitor ad Rheni fluvii ripam prope Spiram sedebat, cum species hominis magno et honesto corpore praediti accessit et, ut statim traiceretur, postulavit. Portitor cymbam nondum solverat, cum plures alii eadem dignitate corporum viri accesserunt. Velocissime ad ripam alteram pervenerunt. Manes gratias agentes et se post reditum pretium meritum soluturos pollicentes portitorem valere iusserunt et celeriter aufugerunt.

Quarta post has res miras nocte portitor rursus eodem loco sedebat, cum ab ulteriore ripa vocem longiore ductu "traduc, traduc!" clamantem audivit. Umbrae eaedem erant. Gladii et thoraces sub paludamentis   micabant. Iterum velocissime flumen traiecerunt. Portitori mercedem in dextram tradentes eodem silentio, quo apparuerant, evanuerunt.

Quid eae res sibi velint, fortasse interrogatis. Portitor diu multumque nequiquam secum considerabat. Sed haud multo post intellexit se simili modo atque imperatores Tedesci, qui in crypta cathedrali conditi iacent, opem tum ad Germaniam ab imperio alieno liberandam tulisse; tum enim, cum  Franci a pugna Lipsiensi refugientes traiciendi erant.

Auf der dem Denkmal beigegebenen Bronzetafel steht zu lesen:

»Alte Speyrer Sage: "Des Fährmanns Traum". Vom Dom kommend ziehen die Kaiser über den Rhein, um   in großer Not dem Reich zu helfen.Sie rufen: "Fährmann hol über!"

gestiftet 1987 Verkehrsverein Speyer eV.
ZEUNER«