Nos personalia non concoquimus. Nostri consocii (Google, Affilinet) suas vias sequuntur: Google, ut intentionaliter te proprium compellet, modo ac ratione conquirit, quae sint tibi cordi. Uterque consocius crustulis memorialibus utitur. Concedis, si legere pergis. |
Dies veneris, hora undecima minuta quadragesima octava signum tintinnabuli finem intermissionis magnae obnuntiat. Iam quies in conclavi magistrorum est, cum collega quaedam idyllo subito finem facit ... - Quaenam est? Exsilit, res suas corripit ingentibusque gradibus ad classem suam properat, ne ullam minutam disciplinae dimittat : Domina Gisela Saxum. Institutum scholae in Documentatione ad evaluationem praxeos paedagogicae (abbreviati depp) scholarum electarum virtutem omnia ad tempus faciendi unam ex eminentissimis virtutibus huius collegae esse repperit. Etiam in officiis subeundis atque facultate verbis disceptandi omnes fere collegas superabas. Disceptas et cum collegis et cum parentibus, potissimum autem cum discipulis medii et superioris ordinis. Interdum sane accidit, ut syndroma Iohannis Wayne, quae dicitur, laborares: Auctor ordinis publici contra turbam hominum desperatorum stat, quibus certos fines constituere debet, iustitia sola adiuvante (Johannes Wayne pistolium quidem in capistro habebat). At numquam illis minantibus recedebas, sed semper velut saxum in aestu maritimo omnes impetus sustinebas. Tum tibi certe illud Montaigne, scriptoris sapientis, in mentem venit: "Quod evitare non possumus, pati discere debemus. Vita nostra sicut harmonia mundi e contrariis composita est. Et bonum et malum ambo naturae nostrae propria sunt." Studium tuum non modo in disciplina bilinguali dliigentissime praeparanda, sed etiam in permultis permutationibus discipulorum cum gymnasio Francogallico peragendis cernebatur. Praeterea et private et publice societati Germanicae-Israhelianae te obligabas. Unde haec femina orta est? - Quomodo ita facta est, ut nos eam cognovimus atque diligimus? Nata es secundo nono anno undevicesimo centesimo tricesimo sexto Tremoniae, ubi per alterum bellum mundanum una cum tribus germanis adolevisti. Examine maturatis anno undevicesimo quinquagesimo sexto Unnae absoluto vestigia patris directoris studiorum supenoris, qui mathematica, physica, geogra phica docebat, persecuta es, Monasterii germanisticis et romanisticis studere coepisti. Tum patriam Vestfalicarn reliquisti, ut uno semestri ad Sorbonnam, universitatem Parisiensem confecto studium Friburgae pergeres Multis commilitonibus de duabus disciphinis studii querentibus tu scientias quoque politicas adiecisti. Tamen intra sex annos studium peregistit primo alteroque examine absoluto doctori Agricolae de Saxo nupsti. Feliciter sane evenit, ut tibi, quod iam in re publica Weimarana ab uxoribus postulatum est, diiudicandum non est, utrum professionem magistrae pergeres an matrimonium cum liberis propriis inires. Sed cum maritus tuus functionarius Administerii Rei Publicae Federatae a cooperatione oeconomica et progressione esset, tibi aliquoties sedes mutanda et munus officii interrum-pendum erat. Tandem peregrinatio Bonnae finita est, ubi ex triginta annis quattuor disciphinas scholasticas - Germanicum, Francogallicum, politicamn, scientias sociales- docendo multum ad gymnasium Hardtberg et exstruendum et conservandum contulisti. Pro hoc tibi gratia et discipulorum ei parentum et collegarum debetur.
At laudator tantum temporis acti esse nolo, sed paulum quoque oculos in futurum tuum conicere velim. Voltaire in "Canclido" Turcum quendam personae primae (scilicet Vestfalo dicere facit: "Labor tria mala a nobis prohibet: molestiam otii, vitium, inopiam." Quid autem fiat, cum homo tam laboriosus quam tu cum salario dimittitur? Te munere exsolutam laborare desinere non posse, sed alio modo perrecturam esse nobis persuasum est. Non iam ad scholam, sed in silvas, ad musea, ad tabernas birotabis. Non iam opera discipulorum e libros scholasticos, sed fabulas milesias vel carmina scriptorum gratissimorum leges. Non iam cum discipulis in Francogahliam vel collegis in Israheliam, sed cum ma rito in terras tibi ignotas itmera facies vel utrumque filium cum familia visitabis, Omnibusque oblecta-tionibus ceteris - velut photographando, violina canendo, natando, in tentorio commorando - quae adhuc feriis tibi temporibus subscivis terminabantur, tibi nunc ex libidine frui licebit - Te talem vitam "post scholam" diu fructuram esse speramus optamusque tibi quaecumque bona sunt. Ave, bona collega, remansuri te salutant. Scipsit Eberhard Forst, collega tua per multos annos Bonnae, a. d. VI Non. lul. A. D. MM.
expergisci : erwachen - dies veneris : Freitag - tintinnabulum: Glocke, Klingel - conclavis magistrorum : Lehrerzimmer - obnuntiare : ankündigen - "documentatio ad evaluationem praxeos paedadogicae” : PISA -Studie - evaluatio : Auswertung - disceptare : diskutieren - syndroma : Syndrom - turba desperatorun : eine Horde von Desperados - capister : Halfter - bilingualis : zweisprachig - permutatio : Austausch - Tremonia : Dortmund - alterum bellum mundanum :2. Weltkrieg - director studiorum superioris: Ober studiendirektor - Monasterium : Münster - gernanistica, orum : Germanistik - functionarius : Angestellter – Administerium Rei Publicae Federatae a cooperatione oeconomica et progressione. : Bundesministerium für wirtschaftliche Zusammenarbeit und Entwicklung - persona prima : Hauptperson, Titelheld - molestia otii : Langeweile - dimittere cum salario : pensionieren - birotare: radeln - taberna : Geschäft - fabula milesia : Roman - oblectatio : Hobby: violina canere : Geige spielen - in tentorio commorari : zelten - tempora subsciva : Freizeit - ex libidine nach Herzenslust