Publius Vergilius
Maro
|
|
|
Aufgabenvorschläge:
|
|
At pater Anchises penitus convalle virenti |
|
| 680 | inclusas animas superumque ad lumen ituras lustrabat studio recolens, omnemque suorum forte recensebat numerum, carosque nepotes fataque fortunasque virum moresque manusque. isque ubi tendentem adversum per gramina vidit |
| 685 | Aenean, alacris palmas utrasque tetendit, effusaeque genis lacrimae et vox excidit ore: 'venisti tandem, tuaque exspectata parenti vicit iter durum pietas? datur ora tueri, nate, tua et notas audire et reddere voces? |
| 690 | sic equidem ducebam animo rebarque futurum tempora dinumerans, nec me mea cura fefellit. quas ego te terras et quanta per aequora vectum accipio! quantis iactatum, nate, periclis! quam metui, ne quid Libyae tibi regna nocerent!' |
| 695 | ille autem: 'tua me, genitor, tua tristis imago
saepius occurrens haec limina tendere adegit; stant sale Tyrrheno classes. da iungere dextram, da, genitor, teque amplexu ne subtrahe nostro.' sic memorans largo fletu simul ora rigabat. |
| 700 | ter conatus ibi collo dare bracchia circum; ter frustra comprensa manus effugit imago, par levibus ventis volucrique simillima somno. |
679 penitus (adv) - tief (drinnen); in der Ferne (zu lustrabat) | convallis, is, f - Talkessel, Talhang (entweder abl. loci zu lustrabat (dann: inclusas = segregatas) oder abl. instr. zu inclusas | ituras - die... sollten, denen bestimmt war... | 681 lustrare - besichtigen, reinigen, mustern | studio recolens - (eifrig immer wieder pflegend) mit großer Anteilnahme | 682 forte - gerade | 684 isque = et is - der nun | tendentem = contendentem | adversum = als einen ihm zugewandten, auf sich zu | gramen, inis, n - Gras, Rasen | 685 alacris = alacer (Nom. Sgl. m.) - lebhaft (Prädikativum st. Adverb) | palma, ae, f - (flache) Hand | 686 gena, ae, f - Wage, Auge, Augenlid | 687 parenti - Dat. auct. zu exspectata | 690 animo ducere - sich denken | <animo> reri - damit rechnen (als Hendiayoin: sicher damit rechnen) | 691 tempora dinumerare - Zeitabschnitte berechnen, "die Stunden zählen" | cura - (väterliche) Sorge (Servius fasst 'mea cura' als Vokativ) | 692 <per> terras | te... accipio - ich empfange (begrüße) dich (zu "te" prädikativ 'vectum' und 'iactatum'.) | periclis = periculis (Synkope) | 697 stant - betonte Stellung des Prädikats | sal, is, m = mare, is, n | 698 amplexu = amplexui | 700 collo dare bracchia circum = collo circumdare bracchia | comprensa = comprehensa | venti = aurae | volucer, cris, cre - geflügelt, flüchtig | simillimus - ganz ähnlich, zum Verwechseln ähnlich
Maurus Servius Honoratus
(6,679)
penitvs convalle virenti
valde virenti, ut "penitusque sonantis accestis scopulos".
(6,680)
inclvsas animas
non re vera inclusas, sed a multitudine separatas, quo facilius agnoscerentur.
(6,681)
lvstrabat stvdio recolens
circumibat studiose retractans. 'inclusas' autem aut segregatas, aut secundum antiquum ritum. multitudinem enim si numerare non poterant, eam in locum certum includebant per partes, et ex unius numero quanta esset videbant. quod Xerxes de suo fecit exercitu.
(6,682)
carosqve nepotes
posteros: sicut per nurus feminas dicunt.
(6,683)
fataqve fortvnasqve virvm
felicitas enim aut fatalis est, aut fortuita, aut ex virtute descendit.
(6,685)
alacris
ipse alacris. et sciendum antiquos et 'alacris' et 'alacer', et 'acris' et 'acer' tam de masculino quam de feminino genere dixisse. nunc masculino utrumque damus, de feminino 'alacer' et 'acer' numquam dicimus, licet Ennius dixerit "aestatem autumnus [sequitur], post acer hiemps it": nam inde est 'alacer'.
(6,686)
genis
palpebris: Ennius de dormiente "inprimitque genae genam". excidit ore quasi seni: quod circa Anchisen reservat, ut "tantumque nefas patrio excidit ore".
(6,687)
venisti tandem
hoc ad adfectum pertinet desiderantis: alias oritur quaestio quod dicit 'sic equidem ducebam animo'. expectata probata, ut "et rebus spectata iuventus". hoc autem dicit: tua pietas mihi semper probata, nunc etiam 'iter durum' vicit, scilicet inferorum.
(6,689)
et notas avdire
et reddere voces
id est familiariter loqui.
(6,690)
rebarqve fvtvrvm
arbitrabar, ratiocinabar esse venturum: per quod intellegimus fataliter Aenean ad inferos descendisse. non enim nisi fatalia deprehenduntur.
(6,691)
nec me mea cvra fefellit
nec decepit me dulcissimus filius: nam vocativus est 'mea cura', id est tu. et dictum est sicut "Veneris iustissima cura".
(6,692)
qvas ego te terras et qvanta per aeqvora vectvm
patrie eius ingemit casibus.
(6,694)
libyae tibi regna nocerent
aut quia de Iunone ait Venus "haud tanto cessabit cardine rerum": aut, quod est melius, illud dicit: timui ne, dum apud regna Carthaginis voluptatibus vacas, imperium fatale derelinqueres.
(6,695)
tristis imago
severa, terribilis, ut supra "et turbida terret imago".
(6,696)
saepivs occvrrens
katŒ tò siÅpvmenon saepius ei dictum intellegimus: aut certe, egit me tua imago ad haec tendere limina, quam saepe videre consuevi.
(6,697)
stant sale tyrrheno
classes
adfectionis est filii etiam ea indicare, de quibus non interrogatur.
(6,699)
largo fletv
nato ex gaudio.
(6,700)
ter
saepius: finitus pro infinito.
|
Aufgabenvorschläge:
|
Lat. zu "Verg" und "Aen.2,"