1

2

3

4

5

6

7

8

 auctore Georgio Acacio Enenckel L.Barone Hoheneccio
Argentorati MDCXIV

3

Quarto anno belli Peloponnesiaci, cum iterum Atticam Peloponnesii cum exercitu invasissent, Lesbus omnis ab Atheniensibus praeter Methymnam defecit. Qua de causa Athenienses, classe eo copiisque missis Mytilenen, caput insulae, obsidione cinxerunt. 

Interea cum obsessi hactenus  Plataeenses fame premerentur, ducenti ex eis et duodecim insignis audaciae viri noctu Peloponnesiorum munitiones scalis transgressi incolumes omnes Athenas profugerunt. Peloponnesii Atticam ingressi magna eam clade evastarunt. Naves eorundem subsidio Lesbiis missae tum primum Ioniam attigerunt. Lesbii fame coacti deditionem fecerunt. De eorum supplicio magna contentione actum est. Vicit tamen Diodoti lenior sententia. Dispar Plataeensium eventus fuit, qui, cum eodem tempore fame subacti Lacedaemoniorum se arbitrio dedissent, ab eis sunt interempti. 

Saevissima item apud Corcyraeos seditio describitur, qua optimates a plebe sua superati partim occisi sunt, partim profugerunt. Peloponnesios Atticam ingressurosterrae motus averterunt. Messanam in Sicilia Athenienses occuparunt. Heracleam in Trachine coloniam Lacedaemonii deduxerunt. Demosthenes, Atheniensis dux, cum Aetolis bellum intulisset, victus ab eis multos eximios cives amisit. Delum Athenienses lustrarunt. Acarnanes Ambraciotis memorabili clade Demosthene duce victis pacem dederunt.